Schnitzelbank 2018


Passiert sind au das Jour wider, einigi luschtigi Gschichtä, dorom düemer über die, hüt a der Seniorefasnacht ächli prichtä.

*** 

Nach der Prob mues der Chilächour öpis ha, wo der Durscht löscht all sind iverstandä und meined , jetz gömmer id Möscht.

Eistimmig hend si sich, für id Poscht abä entschlossä Doris suecht Türfallä uf der falschä Siitä und meint: dou isch ja gschlossä.

 ***

Trichler hend wellä Spagetti machä im Lädäliträff, Sii möchted öpis ässä wils keis Sieb gha hät , hendsis is Abwäschbecki inäglärt und sou halt Siphonspagetti gässä

***

D’Benauer Gnoussami hät Land z’verbachtä, d’Mängi isch zwar bescheidä wills Land raar isch und kei Schtrit git, söls Lous entscheidä.

Aes isch dä aber doch andersch usächou,als ider Zitig mitteilt, der Gnoussäpräsi heigi das Pachtland , ganz eifach under sinä verteilt

*** 

D’Biberchrouser sind sid Jourä bekannt, zum planä und organisierä und immerwider düendnä leider , dummi Fähler passierä.

Si hend ä eignä Grillwagä und chönd i dä Lüütä öpis bietä nur a dem Tag womer ä sälber brucht, sötmerä nüd i Anderä usmietä

 ***

Wiänä Fantasie hät der Roli und was will er nu Alles usprobierä ä liigendi Wiifläschä im Ständer,söli ä Liigendschütz simbolisierä

wiäs äsou isch hät er die Fläschä teschded und probiert, sie a d Wand anägstell und und……sie hät nüd wellä stou, aber äbä sie mues halt liggä und nüd schtou

***

Der Güterliclup hät nach vilä Jourä, nümmä wellä go Chlausnä gou, churz entschlossä hät d’Fäldmusig Bennau, der Tschop übernou. Zum vourus düend sii für All iri Vouramäldigä dankä mitum Vermerk: „Freiwilliger Unkostenbeitrag pro Besuch mindestens 30.– Frankä

*** 

D’Uschiisch ä schaffigi Frau und duet d’Arbed nüd schüchä Sii butzt im Walti sinä nü Färnseh mit chaltem Wasser bis er duet rüchä.

Tochter meint äsou chönti scho ider eyrschtä AHV ä Lückä klaffä wämmer asä frisch Pänsoniert schou duet uf abruch schaffä

***

Der Pirmin und der Kurt sind im Usgang, im Töffclübli glanded am Heigang aber sind diä Zwei, total underschidli gschtranded.

Nach der Geischterschtund isch der Pirmin z’Fuess heiglaufä der Kurt hä bi dä Schnabelsbärg-Briefchäschtä  gruebed und isch iigschloufä

*** 

Jdä Bennauer Schützä sind am Aendschiessä wider nüi Jdeyä igflossä bim Juxschtich hends äs Lintuech über Schiibä ghänkt und sou druf gschossä.

Der Kassier Chueriger Andreas nint diä Usäforderig mit Freudä a. Aer hät füf gueti Schüss troffä, aber leider uf diä Schiebä näbädra

***

Der CVP Presidänt hät uf Bennau wellä go Schtimmzädel zellä und s’Bingisser Ursi heti gärä mitum mitriitä wellä. Wie abgmacht hät das Ursi bim Bärghouf gwarted und sich voll ufenä verlou där gueti Andreas isch vertschloufä und diä guet Frau hät müessä umäschtou.

***

Der Kilian isch per Zug Einsiedlä-Biberbrugg gfaarä, wiämers duet machä. Aer isch derbii igschloufä und leider afig z’Pfäffikä verwachä.

***

Das ächli scheuner isch zum luegä, hät der Urs s’Bächli wellä usämää, normal duet mer für das d’Sägezä und nüd d‘;Mähmaschinä nää

Aer isch immer neucher as Bächli anächou und abgrutscht der Chogä. Zum Glück ischä ä Ghilfmää chou und hätnä mit‘m Traktour wider usäzogä

***

Gsundheit hät im Hardi nüd woul wellä, Aer mues s‘schaffä vergässä der Bruno, Doris und d’Uschi sind nä go bsuechä und nachhär öpis go ässä

Der Bruno hät ä wenig bekannti Pizza bschtellt „Fruti di Mari“ hät dänkt, das sigi die mit Frücht wo dEdith amel bstellt, 

chou isch eini alles mit Meeresfrücht mit derä hät er garnüd chönnä afangä

 ***

Ae Schtrouss mit sächs Hüser und nüd eis Chind duet det wonä, hends verzellt, mer frougt sich worum hätmer ader Moosstrouss ä 30er Tafelä ufgschdellt ?

***

D’Hildegard hä der Chrischtbaum zum Fänschter usägrüert , Sii wet sich mei Platz gönnä

Dä seitmä zuenerä gschider der Baum weder dä Maa,, d’Hildegard meint , ich hetä au scho chönnä.

***

Jetz simmer am Schluss und hoffed, Jhr sind üs nüd beus, d’Fasnacht isch doch luschtig und öpis scheus.